პრემიერ-მინისტრ გიორგი კვირიკაშვილის განცხადებით, საერთაშორისო სარეიტინგო კომპანიის მიერ გამოქვეყნებული კვლევების თანახმად, 2016 წლის მონაცემებით, ეკონომიკური თავისუფლების ინდექსით, 159 ქვეყანას შორის საქართველო მე-5 ადგილზეა.

“ამ შედარებით ინდექსში საქართველო მე-5 ადგილზე იმყოფება ისეთი ქვეყნების შემდეგ, როგორიც არის ჰონკონგი, სინგაპური, ახალი ზელანდია,  შვეიცარია და მეხუთე არის საქართველო. ეს არის ძალიან დიდი წინსვლა. მინდა, ვთქვა შედარებისთვის, რომ 2015 წელს ჩვენ ვიყავით მე-12 პოზიციაზე, 2014 წელს მე-16-ზე, 2013 წელს 21-ე , 2012 წელს 53-ე პოზიციაზე. ეს არის ძალიან დიდი პროგრესი, რომელიც განპირობებულია ისეთ სფეროებში წინსვლით, როგორიც არის ფინანსების ხელმისაწვდომობა, საკანონმდებლო სისტემისა და საკუთრების უფლების დაცვა და სხვა მიმართულებები. ეს საქართველოს საერთაშორისო იმიჯისთვის მნიშვნელოვანია. ვფიქრობ, ყველა ჩვენთაგანმა მაქსიმალურად უნდა გავავრცელოთ ეს ინფორმაცია, რომ მეტი ინვესიტია იყოს მოზიდული ქვეყანაში“, - განმარტა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება