თბილისში ინტერპოლის გენერალური სამდივნოს კონფერენცია მიმდინარეობს

2016-09-13 10:57:57, 1437 ნახვა

სამართალი

საქართველოს შინაგან საქმეთა მინისტრმა, გიორგი მღებრიშვილმა ინტერპოლის გენერალური სამდივნოს პროექტის, "მილენიუმის" კონფერენცია გახსნა.

სასტუმრო "ამბასდორში" მიმდინარე კონფერენციაზე მინისტრმა 24 ქვეყნის 58 დელეგატს სიტყვით მიმართა და უწყების მიერ საერთაშორისო სააპოლიციო თანამშრომლობის კუთხით მიღწეული შედეგები გააცნო.

"ჩვენ ქვეყენას ამ პროექტის არსებობაში დიდი წვლილი მიუძღვის, გამომდინარე იქიდან, რომ საქართველოს სამართალდამცავ ორგანოებს ორგანიზებულ დანაშაულთან ბრძოლის კუთხით დიდი გამოცდილება აქვთ. დღევანდელი სამუშაო ჯგუფის შეკრების მიზანია ორგანიზებულ დანაშაულებრივ ჯგუფებთან ბრძოლის კუთხით გამოცდილების გაზიარება და უფრო მჭიდრო ურთიერთობების ჩამოყალიბება. იმედი მაქვს, ყველა ქვეყნის სამართალდამცავი ორგანოების ერთობლივი ძალისხმევით დაძლეული იქნება ის გამოწვები, რომელთა წინაშე დგას მსოფლიო. იმედი მაქვს, ეს შეხვედრაც საერთაშორისო კრიმინლათან ბრძოლის საქმეშუ თავის წვლილს შეიტანს", - განაცხადა გიორგი მღებრიშვილმა

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან