საფრანგეთის უმაღლესმა ადმინისტრაციულმა სასამართლომ ბურკინის ტარების აკრძალვა შეაჩერა

2016-08-26 18:43:00, 1846 ნახვა

მსოფლიო

საფრანგეთის უმაღლესმა ადმინისტრაციულმა სასამართლომ სანაპიროზე მუსლიმური საცურაო კოსტიუმის - ბურკინის ტარების აკრძალვა შეაჩერა, - ამის შესახებ ფრანგული მედია იუწყება.

საფრანგეთის რამდენიმე ქალაქში ბურკინის ტარების აკრძალვა უფლებადამცველთა ჯგუფმა “ადამიანის უფლებათა ლიგამ” გაასაჩივრა.

ივლისის ბოლოს-აგვისტოს დასაწყისში საფრანგეთის სანაპიროზე მდებარე შვიდი ქალაქის ხელისუფლებამ მუსლიმური საცურაო კოსტუმის ტარება აკძალა. აკრძალვის დამრღვევებს პლიაჟიდან გაძევება და ჯარიმა ემუქრებოდათ.

ცნობისთვის, ბოლო ორი კვირის განმავლობაში ფრანგულ რივიერაზე ბურკინის ტარებისთვის 16 ქალი დააჯარიმეს, რასაც უფლებადამცველები მუსლიმთა უფლებების დარღვევად მიიჩნევენ.

მედიაში გავრცელებული ინფორმაციით, რამდენიმე დღის წინ ნიცას სანაპიროზე სამართალდამცველებმა მუსლიმ ქალს ბურკინის გახდა აიძულეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან