პარტია „თამაზ მეჭიაური ერთიანი საქართველოსთვის“ ლიდერი თამაზ მეჭიაური „ექსპრესნიუსთან“ საუბრისას აცხადებს, რომ მისთვის ნებისმიერი ქვეყნის სამხედრო ბაზის განლაგება საქართველოში მიუღებელია. 

მეჭიაურის განცხადებით, თუ ბედუკაძეს იმის გამო შეუწყვიტეს პარტიული საქმიანობა, რომ მას საქართველოში რუსების ბაზების დაკანონება სურს, მეჭიაურისთვის ის პარტიებიც მიუღებელია, რომელთაც საქართველოში ნატო-ს ბაზების განლაგების მომხრეები არიან.

„ჩვენ „ცენტრისტებისგან“ განსხვავებული პლატფორმა გვაქვს. ჩვენი და მათი თანამშრონლობა შეუძლებელია. მე ეროვნული ხელისუფლებისა და იდეოლოგიის მომხრე ვარ, რომელიც გულისხმობს, რომ ჩვენს ქვეყანაში არცერთი ქვეყნის სამხედრო ბაზა არ უნდა იყოს - როგორც რუსული, ასევე ნატო-სი. ბედუკაძის საარჩევნო სუბიექტის სტატუსი მოუხსნეს იმიტომ, რომ მას საქართველოში რუსეთის ბაზების განლაგება სურს. ჩემთვის ესეც მიუღებელია და ისიც, რომ ზოგიერთ პარტიას საქართველოში ნატო-ს ბაზების განლაგება სურს. საქართველო დამოუკიდებელია ქვეყანაა. რუსეთშია ჩვენი ტერიტორიული მთლიანობის აღდგენის გასაღები, მაგრამ ჩრდილოელ მეზობელთან ბატონყმური ურთიერთობა არ უნდა გვქონდეს“, - აცხადებს მეჭიაური.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა