გიგი უგულავასა და ე.წ. კაბელების გაერთიანებული საქმის განხილვა გადაიდო

2016-08-02 14:43:25, 1317 ნახვა

სამართალი

საქართველოს საკონსტიტუციო სასამართლოში თბილისის ყოფილი მერის, გიგი უგულავასა და ე.წ. კაბელების გაერთიანებული საქმის განხილვა გადაიდო.

პროცესი ბათუმში დღეს, 12:00 საათზე უნდა დაწყებულიყო, თუმცა კვორუმის არარსებობის გამო, არ შედგა.

სასამართლოში სამი პირველი კოლეგიის მოსამართლე კონსტანტინე ვარძელაშვილი, ქეთევან ერემაძე და მაია კოპალეიშვილი მივიდნენ. პროცესზე არ მისულან თამაზ ცაბუტაშვილი და მერაბ ტურავა.

რაც შეეხება სხვა მოსამართლეებს, მეორე კოლეგიის სამი მოსამართლე - ლალი ფაფიაშვილი, ოთარ სიჭინავა და ზაზა თავაძე თბილისში იმყოფებიან. ისინი დიპკორპუსის წევრებს შეხვდნენ.

ცნობისთვის, საკონსტიტუციო სასამართლოში სულ 9 მოსამართლეა. სხდომის ჩასატარებლად პლენუმის 9 მოსამართლიდან პროცესზე სულ მცირე 6 უნდა გამოცხადდეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან