საპარლამენტო უმრავლესობის ლიდერ გია ვოლსკი „ექსპრესნიუსთან“ საუბრისას შერიგებისა და სამოქალაქო თანასწორობის საკითხებში ქეთევან ციხელაშვილის დანიშვნის საკითხს ეხმაურება და აცხადებს, რომ ციხელაშვილს ზურგს ძალიან დიდი გამოცდილება უმაგრებს და ის წარმატებული მინისტრი იქნება.

„ქეთევან ციხელაშვილი არის საკითხების ღრმად მცოდნე და კომპეტენტური ადამიანი. მას გარკვეული დიპლომატიური გამოცდილებაც აქვს, ძალიან დიდხანს მუშაობდა არსამთავრობო სექტორში, ისევე როგორც საჯარო სამსახურში. ციხელაშვილი არის კარგი მეოჯახე, კარგი დედა და კარგი პატრიოტი. ვფიქრობ, რომ სწორი არჩევანი გაკეთდა“, - აცხადებს ვოლსკი.

შეგახსენებთ, რომ თავდაცვის მინისტრი ლევან იზორია, ხოლო შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი იქნება.

ახალი მინისტრები პრემიერ-მინისტრმა გიორგი კვირიკაშვილმა მთავრობის ადმინისტრაციაში გამართულ ბრიფინგზე წარადგინა.

ქეთევან ციხელაშვილ ამ დრომდე სახელმწიფო მინისტრის პირველი მოადგილის პოსტს იკავებდა, ლევან იზორია კი, სახელმწიფო უსაფრთხოების სამსახურის უფროსი იყო.

ცნობისთვის თავდაცვის მინისტრის თანამდებობას აქამდე თინა ხიდაშელი იკავებდა, შერიგებისა და სამოქალაქო საკითხებში სახელმწიფო მინისტრის პოსტს კი, პაატა ზაქარეიშვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს