საქართველოს პრეზიდენტმა გიორგი მარგველაშვილმა „ამბასადორიალი 2016"-ის ფარგლებში, საზღვარგარეთ საქართველოს დიპლომატიური წარმომადგენლობების ხელმძღვანელებთან დახურული, სამუშაო შეხვედრა გამართა.

როგორც პრეზიდენტის საერთაშორისო ურთიერთობათა მდივანმა თენგიზ ფხალაძემ შეხვედრის შემდეგ განაცხადა, პრეზიდენტმა ქართული დიპლომატიის წინაშე არსებულ გამოწვევებზე ისაუბრა.

„მიმდინარე წელი აღსავსეა უამრავი ცვლილებებით, უამრავი გამოწვევებით, სწორედ  ამ თემაზე იყო საუბარი შეხვედრისას. დიპლომატებმა შეხვედრისას აქტუალური მიმართულებები განიხილეს, რომელიც უნდა გააძლიეროს ჩვენმა დიპლომატიამ.

იყო ძალიან ღია დისკუსია და საუბარი და აზრთა გაცვლა-გამოცვლა დიპლომატიური მისიების ხელმძღვანელებთან.

გამოიკვეთა კონკრეტული მიმართულებები, რა მიმართულებებითაც უნდა გადაიდგას უფრო აქტიური ნაბიჯები და გარკვეულწილად შეჯამდა ბოლო 1 წლის განმავლობაში გაწეული მუშაობა", - განაცხადა თენგიზ ფხალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა