გერმანია ნიცაში მომხდარი თავდასხმის შემდეგ საფრანგეთთან საზღვარზე კონტროლს ამკაცრებს, - ამის შესახებ სააგენტო Reuters-ი გერმანიის ფედერალურ პოლიციაზე დაყრდნობით იუწყება.

როგორც სააგენტო წერს, გერმანია უსაფრთხოების ზომებს აეროპორტებში, ასევე ავტომაგისტრალებზე და სარკინიგზო გადასასვლელებზე გაამკაცრებს.

მედიის ცნობით, უსაფრთხოების გამკაცრება ფრანგულ მხარესთან შეთანხმებით მოხდება.

"საფრანგეთის უსაფრთხოების სამსახურთან კოორდინაციით, ფედერალური პოლიცია საფრანგეთთან სასაზღვრო გადასასვლელებზე კონტროლს ამკაცრებს", - ნათქვამია გერმანიის პოლიციის განცახდებაში.

შეგახსენებთ, რომ გუშინ, ნიცაში, სადაც მოსახლეობა ბასტილიის აღების დღეს აღნიშნავდა, ხალხში სატვირთო ავტომობილი შევარდა. ტერაქტის შედეგად 84 ადამიანი გარდაიცვალა, მათ შორის არიან ბავშვებიც. მედიის ინფორმაციით, ათობით ადამიანი დაშავებულია, 18 მათგანი კი კრიტიკულ მდგომაროებაშია.  მომხდარზე პასუხისმგებლობა ჯერჯერობით არც ერთ დაჯგუფებას არ აუღია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა