პრეზიდენტი აჭარის უმაღლეს საბჭოში კონსულტაციებს განაგრძობს

2016-07-14 11:28:02, 602 ნახვა

პოლიტიკა

საქართველოს პრეზიდენტი გიორგი მარგველაშვილი აჭარის ავტონომიური რესპუბლიკის მთავრობის მეთაურის კანდიდატურის წარდგენასთან დაკავშირებით, აჭარის უზენაეს საბჭოში კონსულტაციებს განაგრძობს.

პრეზიდენტმა შეხვედრა უკვე გამართა უმაღლესი საბჭოს ფრაქცია "ქართული ოცნება - დემოკრატიული საქართველოს", "ქართული ოცნება - თავისუფლების" და "ქართული ოცნება - აჭარას" თავმჯდომარეებთან. გარდა ამისა, მარგველაშვილი ფრაქციის "დემოკრატიული აჭარა" თავმჯდომარე სულხან ღლონტსა და ფრაქციის წარმომადგენლებს, ასევე ფრაქცია "თანასწორობა"-ს წარმომადგენლებს ასმათ დიასამიძესა და მედეა ვასაძეს შეხვდა.

შეხვედრებზე აჭარის ავტონომიური რესპუბლიკის თავმჯდომარის პოსტზე ზურა პატარაძის კანდიდატურის წარდგენის საკითხი განიხილეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან