დავით ნარმანია ზაარბრიუკენის მერს შეხვდა

2016-07-09 17:55:38, 674 ნახვა

პოლიტიკა

თბილისის მერი ოფიციალური ვიზიტით გერმანიაში იმყოფება.

მერიის ინფორმაციით, ვიზიტის ფარგლებში, დავით ნარმანია ზაარბრიუკენში ქალაქის მერს, შარლოტე ბრიტცს შეხვდა.

მხარეებმა სამომავლო გეგმებზე ისაუბრეს. მათი თქმით, 2017 წელს, რომელიც საქართველო-გერმანიის მეგობრობის წლად არის გამოცხადებული, ბევრი ღონისძიება განხორციელდება. შეხვედრაზე, ასევე, საუბარი იყო ქალაქდაძმობილების 40 წლის იუბილეზე, შეაფასეს განვლილი ისტორიაც.

მოგვიანებით, დავით ნარმანიამ და შარლოტე ბრიტცმა ადგილობრივებს ძველი ქალაქის დღესასწაული მიულოცეს და საზეიმო ღონისძიება გახსნეს.

ქართული დელეგაციის ვიზიტი ზაარბრიუკენში 10 ივლისს დასრულდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან