მარგველაშვილი: მომავალ ორ წელს მოვახმარ იმას, რომ ქართულ გერმანული ურთიერთობები კიდევ უფრო გაღრმავდეს

2016-06-30 18:50:14, 583 ნახვა

პოლიტიკა

მომავალ ორ წელს ჩემი საპრეზიდენტო ვადისას, მოვახმარ იმას, რომ ქართულ გერმანული ურთიერთობები კიდევ უფრო გაღრმავდეს, - ამის შესახებ საქართველოს პრეზიდენტმა გიორგი მარგველაშვილმა გერმანიის ფედერალურ პრეზიდენტ იოახიმ გაუკთან ერთად გამართულ პრესკონფერენციაზე განაცხადა.

გიორგი მარგველაშვილმა გერმანიის პრეზიდენტს თბილი დახვედრისთვის მადლობა გადაუხადა და აღნიშნა, რომ საქართველოს დამოკიდებულება გერმანიის მიმართ არის სტრატეგიული.

„ჩვენ ვხედავთ დიდი შესაძლებლობებს ორმხირვი ურთიერთობების გაღრმავების თვალსაზრისით და იმ ძალიან კარგი საწყისის გაღრმავებისთვის, რომელიც უკვე ჩაყრილია ქართულ-გერმანულ ურთიერთობებში. მე ვარ ქვეყანაში, რომელმაც პირველმა აღიარა 25 წლის წინ საქართველოს დამოუკიდებლობა. მე ვარ ქვეყანაში, რომელის წარმომადგენლებიც 200 წელია, ცხოვრობენ ჩვენს ქვეყანაში და ამდიდრებენ ჩვენს კულტურას. მე ვარ ქვეყანაში, რომელიც ბოლო 25 წლის განმავლობაში ეხმარება საქართველოს დემოკრატიულ და სახელმწიფოებრივ განვითარებაში. ამისთვის მინდა მადლობა გითხრათ ასეთი ხანგრძლივი და სტაბილური მხადრაჭერისთვის. ჩვენ ქვეყნებს შორის არის ძალიან საინტერესო პროექტები, სტრატეგიული პროექტები, რომელთა გაღრმავებაც ნამდვილად ორივე სახელმწიფოს ინტერესებშია“, - განაცხადა პრეზიდენტმა.

მარგველაშვილის თქმით, გერმანია არის ქვეყანა, რომელსაც აქვს უმნიშვნელოვანესი როლი ევროპულ პროცესში.

„როგორც აღმოსავლეთ ევროპული ქვეყანა, ჩვენ დაინტერესებული ვართ სიღრმისეულად ეს პროცესი იყო წარმატებული და პერსპექტიული. საქართველო დაინტერესებულია ევროპის წარმატებაში, ევროპის ეკონომიკურ პოლიტიკური უსაფრთხოების გარღმავებაში და საქართველო მზად არის ამ პროცესში იყოს აქტიური მოთამაშე. ჩვენ ვართ ქვეყანა, არ შემოვიფარგლებით მხოლოდ პოლიტიკური განცხადებებით არამედ რეალურად ჩვენი კაცები და ქალები უნიფორმაში თავის სიცოცხლის ფასად იცავენ გლობალურ სტაბილურობას. ჩვენ ვართ ქვეყანა, რომელსაც ევროპულ პროცესში ჩართვის ამბიცია აქვს. ჩვენ ვისაუბრეთ ყველა იმ სირთულეზე, რომელიც აქვს საქართველოს“, - განაცხადა გიორგი მარგველაშვილმა.

საქართველოს პრეზიდენტმა იოახიმ გაუკიმი მეუღლესთან ერთად საქართველოში დაპატიჟა.

გიორგი მარგველაშვილის განცხადებით, ბერილინი ქართველ პოლიტიკოსებს განსაკუთრებით ღიად იღებს.

„გერმანიაში უკვე იმყოფებოდნენ საქართველოს პარლამენტის თავმჯდომარე დავით უსუფაშვილი და საქართველოს პრემიერ-მინისტრი გიორგი კვირიკაშვილი. მომავალ ორ წელს ჩემი საპრეზიდენტო ვადისა, მოვახმარ იმას, რომ ქართულ-გერმანული ურთიერთობები კიდევ უფრო გაღრმავდეს“, - განაცხადა გიორგი მარგველაშვილმა.