Hurriyet: თურქეთის სპეცსამსახურები ტერაქტში ეჭვმიტანილის სავარაუდო ეროვნებას ასახელებენ

2016-06-30 15:07:20, 1371 ნახვა

მსოფლიო

სტამბოლის აეროპორტზე თავადსხმაში მონაწილე ერთ-ერთი თვითმკვლელი ტერორისტი სავარაუდოდ ჩეჩნეთის მკვიდრია, - ამის შესახებ სააგენტო Hurriyet იუწყება.

მედია საშუალება სავარაუდო თავდამსხმელის სახელსაც ასახელებს. ის ოსმან ვადინოვია.

როგორც თურქული სპეცსამსახურები ვარაუდობენ, ის თურქეთის ტერიტორიაზე სირიის ქალაქ რაქადან ჩავიდა. ამასთან, სპეცსამსახურები არნიშNულ იფნორმაციას ჯერ არ ადასტურებენ.

შეგახსენებთ, რომ ათათურქის საერთაშორისო აეროპორტში ტერაქტს 42 ადამიანი ემსხვერპლა. ჯანდაცვის სამინისტროს ცნობით, 239 დაშავებულიდან საავადმყოფოში ამ დრომდე 128 ადამიანი რჩება, მათგან 41 ინტენსიური თერაპიის განყოფილებაში იმყოფება.

კიდევ ერთი თურქული მედია საშუალება Yeni Safak პოლიციაში ანონიმურ წყაროზე დაყრდნობით წერს, რომ თვითმკვლელები დაღესტნის, ყურგიზეთისა და უზბეკეთის მკვიდრნი იყვნენ.

გამოცემა წერს, რომ ათათურქის აეროპორტში ტერაქტის მომზადებაში 8 ადამიანი მონაწილეობდა. 3 თვითმკვლელი თავდასხმის შემსრულებელი იყო.

ცნობისთვის, ორგანიზატორებიდან ერთი დაკავებულია, კიდევ 4 ეძებენ.

ადგილობრივი მთავრობა მიიჩნევს, რომ ტერაქტების სერია "ისლამურმა სახელმწიფომ" მოაწყო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან