ევროკავშირის დამფუძნებელი 6 ქვეყანა დიდ ბრიტანეთს მოუწოდებს, ევროკავშირიდან გასვლის პროცესი რაც შეიძლება მალე დაიწყოს, - ამის შესახებ BBC იუწყება.

გერმანიის საგარეო საქმეთა მინისტრის, ფრანკ-ვალტერ შტაინმაიერის განცხადებით, მოლაპარაკებების სწრაფად დაწყება იმისთვისაა აუცილებელი, რომ ევროკავშირის დანარჩენმა წევრებმა „ყურადღების გამახვილება გაერთიანებული ევროპის მომავალზე“ შეძლონ.

აღნიშნული განცხადება ბერლინში, ევროკავშირის 6 დამფუძნებელი ქვეყნის საგარეო საქმეთა მინისტრების შეხვედრის შემდეგ გაკეთდა.

ამასთან, როგორც ცნობილი გახდა, 29 ივნისს ევროპარლამენტი რიგგარეშე სხდომას ჩაატარებს.

შეგახსენებთ, 23 ივნისს დიდ ბრიტანეთში ჩატარებულ რეფერენდუმის შედეგად, ევროკავშირიდან გაერთიანებული სამეფოს გასვლის მხარდამჭერებმა გაიმარჯვეს. შედეგების გამოცხადების შემდეგ, დიდი ბრიტანეთის პრემიერ-მინისტრმა ჯეიმს კემერონმა განაცხადა, რომ  თანამდებობას ოქტომბერში დატოვებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა