სასჯელაღსრულებისა და პრობაციის მინისტრის კახა კახიშვილის განცხადებით, პრეზიდენტი დაინტერესდა კონკრეტულად ყოფილი მაღალჩინოსნების მდგომარეობით პენიტენციურ დაწესებულებებში.

ამის შესახებ კახიშვილმა პრეზიდენტთან შეხვედრის დასრულების შემდეგ ჟურნალისტებს განუცხადა.

კახიშვილის განცხადებით, ის პრეზიდენტს პატიმრების პირობებთან დაკავშირებით ესაუბრა.

„პრეზიდენტმა დღეს შეხვედრა მთხოვა. ის დაინტერესდა კონკრეტულად ყოფილი მაღალჩინოსნების მდგომარეობით პენიტენციურ დაწესებულებებში, არის თუ არა უზრუნველყოფილი კონსტიტუციით და კანონით გარანტირებული უფლებები. ვესაუბრე პრეზიდენტს პატიმრების პირობებთან დაკავშირებით. 2012 წლიდან იცით, რომ საქართველოს პენიტენციურ სისტემაში გრანდიოზული რეფორმები განხორციელდა და ყველა პატიმარი უზრუნველყოფილია კანონით დადგენილი პირობებით. ამაზე არაერთხელ გაუსვა ხაზი ყველა საერთაშორისო დამკვირვებელმა და  მათ შორის იმ ორგანიზაციებმა, რომლის უფლებამოსილების ფარგლებში შედის პენიტენციური დაწესებულებების შემოწმება“, - განაცხადა კახა კახიშვილმა.

მინისტრის განცხადებით, დღეის მდგომარეობით ყველა პატიმრის, მათ შორის ყოფილი მაღალჩინოსნების უფლებები გარანტირებულია პენიტენციურ დაწესებეულებებში.

„ეს განცხადება შემიძლია გავაკეთო როგორც სასჯელაღსრუელბისა და პრობაციის მინისტრმა, რომელმაც დეტალურად ვიცი. მინდა გითხრათ, რომ თავად ამ პატიმრებისგან არასოდეს მომისმენია განცხადებები, რომ რაღაც დოზით მათი უფლებები ირღვევა. ჩვენს პენიტენციური სისტემის ჭრილში“, - განაცხადა კახიშვილმა.

ჟურნალისტის კითხვაზე, თუ რატომ დადგა ეს საკითხი ახლა, კახიშვილმა განაცხადა, რომ ევროპელმა კოლეგებმა განცხადებით მიმართეს პრეზიდენტს.

„პრეზიდენტმა საჭიროდ ჩათვალა ჩემთან შეხვედრა. მე მას დეტალურად მოვახსენე პირობები, სადაც სასჯელს იხდიან ყოფილი მაღალჩინოსნები“, - განაცხადა კახა კახიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა ირანთან მოლაპარაკებების დასრულებისა და ქვეყნის „დახრჩობის“ ბრძანება გასცა

უკრაინულმა დრონებმა წელს მეორედ შეუტიეს რუსეთის ერთ-ერთ უდიდეს ასაფეთქებელი ნივთიერებების ქარხანას.

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ