საქართველოს მთავრობამ მაღალმთიან დასახლებათა ნუსხაში 99 დასახლების დამატების შესახებ გადაწყვეტილება მიიღო.

ინფრასტრუქტურის სამინისტროს ინფორმაციით, მიმდინარე წლის 24 მაისს გამართულ სხდომაზე, მთის განვითარების ეროვნულმა საბჭომ მაღალმთიან დასახლებათა ნუსხაში დამატებით 99 დასახლების (38 000 მაცხოვრებლის) შეტანასთან დაკავშირებით იმსჯელა და შუამდგომლობით მიმართა საქართველოს მთავრობას აღნიშნული დასახლებების მაღალმთიან დასახლებათა ნუსხაში დამატების შესახებ.

უწყების ცნობით, თავდაპირველ ჩამონათვალში, რომელიც 1582 დასახლებას მოიცავს, აღნიშნული დასახლებები ვერ მოხვდა იმის გამო, რომ არ არსებობდა საქართველოში არსებული დასახლებების ერთიანი ნუსხა და მათი კრიტერიუმების შესახებ სისტემატიზირებული მონაცემები. მაღალმთიან დასახლებათა ნუსხაში ცვლილების შეტანის შემთხვევაში, კანონით განსაზღვრული სოციალური შეღავათები დაუყოვნებლივ ამოქმედდება.

ნუსხაში შესატანი 99 დასახლებიდან: 90 - აკმაყოფილებს საბჭოს მიერ დადგენილ დემოგრაფიულ კრიტერიუმს; 6 - კანონით განსაზღვრულ ისტორიულ-გეოგრაფიულ მხარეში შემავალი დასახლებებია; 1 (ჭერემი) - დაზუსტდა ჰიფსომეტრიული სიმაღლე; 1 (ღორღა) - საჯარო რეესტრმა დააზუსტა, რომ, ზოგადად, არსებობს როგორც სოფელი;  1 (კოტორაანთკარი) - აკმაყოფილებს სოფლის მეურნეობის კრიტერიუმს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის კიდევ შვიდ რეგიონში ბენზინის გაყიდვებზე შეზღუდვები დაწესდა

კარაფანო: ივანიშვილისთვის დაწესებული სანქციები დაპირებებით არ მოიხსნება, ბურთი "ოცნების" მოედანზეა

უკრაინაში კიდევ ერთი ქართველი მებრძოლი დაიღუპა

ძალოვანებმა პუტინს შესთავაზეს სახელმწიფო დუმის არჩევნების გაუქმება ეკონომიკური პრობლემებისა და დრონების თავდასხმების გამო