2016-06-01 15:59:44, 573 ნახვა
საზოგადოება
პედიატრიის აკადემიურ კლინიკაში ბავშვთა უფასო სამედიცინო გასინჯვების აქცია გაიმართა
თბილისის სახელმწიფო სამედიცინო უნივერსიტეტის გივი ჟვანიას სახელობის პედიატრიის აკადემიურ კლინიკაში ბავშვთა უფასო სამედიცინო გასინჯვების აქცია გაიმართა.
სამედიცინო შემოწმების პროცესს შრომის, ჯანმრთელობისა და სოციალური დაცვის მინისტრი დავით სერგეენკო პირადად დაესწრო. ქვეყნის პირველი ექიმი პაციენტებს გაესაუბრა და მათი ჯანმრთელობის მდგომარეობის შესახებ ინფორმაცია მედიკოსებისგან მიიღო.
უფასო სამედიცინო გასინჯვების აქცია ბავშვთა დაცვის საერთაშორისო დღესთან დაკავშირებით, თბილისის სახელმწიფო სამედიცინო უნივერსიტეტის ორგანიზებით გაიმართა. ღონისძიების მიზანს ბავშვზე ზრუნვის მიმართულების გაძლიერება წარმოადგენს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
