2016-05-30 18:55:08, 979 ნახვა
სამართალი
მებაჟე ოფიცრებმა მედიკამენტების უკანონო შემოტანის მცდელობა გამოავლინეს
დიდი რაოდენობით ფსიქოტროპული ნივთიერების შემცველი მედიკამენტის უკანონო შემოტანის მცდელობა აღკვეთეს მებაჟე ოფიცრებმა 29 მაისს, საბაჟო გამშვებ პუნქტზე „ყაზბეგი“.
რუსეთის ფედერაციის მხრიდან მსუბუქი ავტომობილით შემოვიდა რუსეთის მოქალაქე ა.პ., რომლის კუთვნილი ბარგის ეჭვის საფუძველზე დათვალიერების შედეგად შემოსავლების სამსახურის თანამშრომლებმა 600 აბი ПАГЛЮФЕРАЛ-3 აღმოაჩინეს.
60 აბი ნარკოტიკული ნივთიერების შემცველი მედიკამენტი TRAMADOL აღმოჩნდა „ყაზბეგის“ კონტროლის ზონაში 27 მაისს შემოსული რუსეთის მოქალაქე გ.ს.-ის კუთვნილ ბარგშიც.
ორივე საქმე შემდგომი რეაგირების მიზნით გადაეცა შსს მცხეთა-მთიანეთის პოლიციის დეპარტამენტის ყაზბეგის რაიონულ სამმართველოს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
