დევნილთა და განსახლების მინისტრი სოზარ სუბარი ყაზბეგში  „ორი ყაზბეგელი ტყუპი მორაგბის, აფხაზეთის ომის გმირების,  ვასიკო და ნუკრი  წიკლაურების სახელობის სარაგბო ფესტივალის“  ფარგლებში გამართულ მატჩს დაესწრო.

ლტოლვილთა და განსახლების სამინისტროს ინფორმაციით, რაგბის ფესტივალი წელს პირველად ტარდება და მასში 12-წლამდე ასაკის მოზარდებისგან შემდგარი 24 გუნდი მონაწილეობს.

უწყების ცნობით, ტურნირის მიზანს რაგბის განვითარებისა და პოპულარიზაციის ხელშეწყობა წარმოადგენს. სარაგბო ფესტივალი ყოველწლიურ ხასიათს მიიღებს და თამაშები მთელი საქართველოს მასშტაბით გაიმართება. 

ტურნირის პირველ თამაშს ვასიკო და ნუკრი წიკლაურის ოჯახის წევრები, საქართველოს რაგბის ეროვნული ნაკრების მწვრთნელის ასისტენტი ლევან მაისაშვილი და ადგილობრივი მუნიციპალიტეტის წარმომადგენლებიც დაესწრნენ.

ბაბუშერას აეროპორტში, თვითმფრინავის აფეთქებისას, ერთი ოჯახიდან დაღუპული ოთხი ქართველი გმირი - ვასიკო და ნუკრი წიკლაურები და მათი დისშვილები თემურ და ზურაბ ზალდასტანიშვილები  აფხაზეთიდან 2014  წელს  ჩამოასვენეს.  ქართველი მებრძოლები დიღმის ძმათა სასაფლაოზე  დაკრძალეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება