აჭარის ა/რ ჯანმრთელობისა და სოციალური დაცვის მინისტრი ნუგზარ სურმანიძე, ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის სტუდენტებს შეხვდა.

სამინისტროს ინფორმაციით, ნუგზარ სურმანიძემ სტუდენტებს რეგიონის ჯანდაცვის სისტემა გააცნო და ჯანდაცვის სფეროში განხორციელებულ, მიმდინარე და დაგეგმილ პროექტებზე ესაუბრა. მინისტრმა საუბრისას ხაზი გაუსვა სტუდენტთა პრაქტიკული სწავლების საკითხს.

„მოგეხსენებათ, რომ მიმდინარეობს ქ. ბათუმის რესპუბლიკური კლინიკური საავადმყოფოს ახალი შენობის მშენებლობა. სამედიცინო დაწესებულებას ექნება საუნივერსიტეტო კლინიკის სტატუსი, სადაც სტუდენტებს საშუალება ექნებათ გაიარონ სამედიცინო პრაქტიკა. აღნიშნულ საკითხთან დაკავშირებით უახლოეს დღეებში გაფორმდება მემორანდუმი აჭარის ჯანდაცვის სამინისტროს, ფინანსთა და ეკონომიკის სამინისტროსა და უნივერსიტეტს შორის“, - განაცხადა ნუგზარ სურმანიძემ.

შეხვედრაზე მინისტრმა სტუდენტებს აჭარის ჯანდაცვის სამინისტროს საქმიანობის უკეთ გაცნობის მიზნით უწყებაში ვიზიტი შესთავაზა.

„ჩვენ შევთავაზეთ სტუდენტებს მობრძანდნენ სამინისტროში, მივიღებთ ცალკეულ დეპარტამენტებში და გავაცნობთ სამინისტროს საქმიანობას, მათ ამით უფრო მეტი წარმოდგენა ექნებათ რეგიონის ჯანდაცვის სფეროზე“, - აღნიშნა მინისტრმა.

შეხვედრის დასკვნით ნაწილში მინისტრმა სტუდენტების შეკითხვებს უპასუხა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან