ბათუმის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და განზრახ მკვლელობისთვის ბრალდებული მამია ახვლედიანი დამნაშავედ სცნო საქართველოს სისხლის სამართლის კოდექსის  108-ე მუხლით.

ამის შესახებ „ექსპრესნიუსს“ საქართველოს მთავარი პროკურატურიდან აცნობეს.

მათივე ცნობით, სასამართლომ პროკურატურის ბრალდებები გაიზიარა და ბრალდებულს 11 წლის ვადით თავისუფლების აღკვეთა მიუსაჯა.

"სასამართლოში ბრალდების მხარის მიერ წარდგენილი მტკიცებულებებით უტყუარად დადასტურდა, რომ 2016 წლის 23 თებერვალს, დაახლოებით 13 საათზე,  ქობულეთის მუნიციპალიტეტის დაბა ჩაქვში, მიგინეიშვილის ქუჩა N23-ში არსებულ საცხოვრებელ სახლში, ურთიერთშელაპარაკების ნიადაგზე წარმოშობილი ჩხუბის დროს, მამია ახვლედიანმა განზრახ მოკვლის მიზნით, ბლაგვი საგნების გამოყენებით, ლექსო ზარქუას თავისა და სხეულის სხვადასხვა არეში მიაყენა მრავლობითი დაზიანებები, მიყენებული დაზიანებების შედეგად ეს უკანასკნელი ადგილზევე გარდაიცვალა. სამართალდამცველებმა მამია ახვლედიანი ბრალდებულის სახით  24 თებერვალს დააკავეს.

მოსამართლემ მამია ახვლედიანს ჩადენილი დანაშაულისთვის სასჯელის სახედ და ზომად 11 წლით თავისუფლების აღკვეთა განუსაზღვრა",  - აღნიშნულია პროკურატურის განცხადებაში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს