საპარლამენტო უმრავლესობის წევრი ომარ ნიშნიანიძე არ ეთანხმება მოსაზრებას, რომ „ქართული ოცნებაში“ პრორუსულ ძალასა და პროგრესულ ჯგუფს შორის შიდა ბრძოლა მიმდინარეობს.

როგორც დეპუტატმა „ექსპრესნიუსს“ განუცხადა, შესაძლოა ვიღაც აკეთებს პრორუსულ განცხადებას, მაგრამ ეს არ ნიშნავს იმას, რომ მმართველი გუნდის პათოსი პრორუსულია. მისივე შეფასებით, თამაზ მეჭიაურის განცხადებები პრორუსული ჟღერადობის არ არის.

„ქართული ოცნება“ პრორუსული არ არის, თუმცა ჩვენ პრაგმატულ პოლიტიკას ვემხრობით. კოალიციის შიგნით შესაძლოა იყოს პრორუსული განცხადებებიც, მაგრამ ჩვენ ხომ პარტია „ქართულ ოცნებაზე“ ვსაუბრობთ და არა კოალიციაზე.

თამაზ მეჭიაურის განცხადება პრორუსულის გამოხატულება არ ყოფილა. მეც ვიზიარებ მეჭიაურის შეფასებას, რომ არ გვინდა ნატოში შესვლა ჩვენი ოკუპირებული ტერიტორიების - სამხრეთ ოსეთისა და აფხაზეთის გარეშე.

მე არ მაქვს ამაზე კონკრეტული ინფორმაცია. თუ ასეთი წინაპირობა დაყენებული არ ყოფილა არასოდეს, მაშინ უნდა გავაგრძელოთ ალიანსისკენ სვლა. იგივე ნატო სულ გვეუბნება, რომ მობრძანდით კარი ღიაა, მაგრამ იმ კარში ნაბიჯიც არ შეგვადგმევინა. ნუ ვატყუებთ ქართველ ხალხს. კი ბატონო ჩვენ ვისწრაფით ევროატლანტიკური სტრუქტურებისკენ, მაგრამ საპასუხო ნაბიჯები მათაც უნდა გადმოდგან“, - აცხადებს ნიშნიანიძე.

დეპუტატი კომენტარს საქართველოში ნატოს წვრთნების შესახებაც აკეთებს და დასძენს, რომ ამ საკითხს ფრთხილად უნდა მოვეკიდოთ.

„ამას პროვოკაციად არ ვთვლი, მაგრამ ფრთხილად უნდა ვიყოთ. რუსეთის ნებისმიერი გაღიზიანება შესაძლოა ძვირად დაგვიჯდეს. თუნდაც ის საკითხი, რომ უნდა აიკრძალოს თუ არა რუსული არხები ქართულ ტელესივრცეში, მე შეცდომად მიმაჩნია. არაფრის მომცემი ნაბიჯების გადადგმისგან თავი უნდა შევიკავოთ. თუმცა რა თქმა უნდა პრინციპულები უნდა ვიყოთ. ჩვენი ტერიტორიის ერთი სანტიმეტრიც არ გვემატება არავისთვის - რუსეთი იქნება, თურქეთი თუ ვინც არ უნდა იყოს ის“, - განუცხადა ომარ ნიშნიანიძემ „ექსპრესნიუსს“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით