2016-05-09 12:08:07, 540 ნახვა
პოლიტიკა
კობახიძე: ვინაიდან დიპლომატიური ურთიერთობები არ გვაქვს რუსეთთან, ოფიციალური შეხვედრები ასე მარტივად არ იგეგმება
"დიპლომატიური ურთიერთობები არ გვაქვს რუსეთთან, ამიტომ ოფიციალური შეხვედრები ასე მარტივად არ იგეგმება, - ამის შესახებ პარლამენტის ვიცე-სპიკერმა მანანა კობახიძემ ჟურნალისტებს განუცხადა.
მისივე თქმით, ნებისმიერი ურთიერთობა დიალოგის რეჟიმში უნდა მოგვარდეს.
"ეს არის ჟენევის ფორმატში მოსაგვარებელი ურთიერთობები. ეს ფორმატი გვაქვს, რომელიც უნდ გავამყაროთ. ჯერჯერობით, ამ თემაზე საუბარი რთულია. მნიშვნელოვანია ის, რომ რუსეთი თავის პოზიციას არ ცვლის. ე.წ. თვითაღიარებული რესპუბლიკების მიმართ და მისი გზავნილი 9 მაისთან დაკავშირებით, როცა საქართველო, ოსეთი და აფხაზეთი ცალ-ცალკეა მოხსენიებული, ნიშნავს იმას, რომ რუსეთი ოკუპანტი ქვეყნის პოლიტიკას აგრძელებს",- განაცხადა მანანა კობახიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
