საქართველოში დაგეგმილი ქართულ-ამერიკული წვრთნები პროვოკაციას არ წარმოადგენს, - ასე გამოეხმაურა საქართველოში დიდი ბრიტანეთის საგანგებო და სრულუფლებიანი ელჩი ალექსანდრა ჰოლ ჰოლი რუსეთის საგარეო საქმეთა სამინისტროს განცხადებას, რომლის თანახმად, უწყება დაგეგმილ ქართულ-ამერიკულ სწავლება პროვოკაციად მიიჩნევს.

როგორც ელჩმა ჟურნალისტებს განუცხადა, აღნიშნული წვრთნები მეგობრობისა და უსაფრთხოების კუთხით თანამშრომლობის მაგალითია.

„ამაყი ვარ, რომ ბრიტანეთის მთავრობა, დადეგმილ წვრთნებში მონაწილეობის მისაღებად, საქართველოში 150 სამხედრო მოსამსახურეს აგზავნის. ჩვენ ვაფასებთ სახმედრო პარტნიორობას საქართველოსთან. თქვენს ქვეყანას განუზომელი წვლილი შეაქვს უსაფრთხოების კუთხით. ჩვენ არ ვთვლით, რომ წვრთნები პროვოკაციას წარმოადგენს. ჩვენ მას აღვიქვამთ როგორც მეგობრობისა და უსაფრთხოების კუთხით თანამშრომლობის კიდევ ერთ მაგალითს, რომელიც იმედი გვაქვს, კიდევ უფრო გაღრმავდება. პროვოკაციებზე თუ ვისაუბრეთ, მინდა ვთქვა, რომ, ჩემი მოსაზრებით, ასეთად შეიძლება ჩაითვალოს ბოლოდროინდელი შეთანხმება, სამხრეთ ოსეთსა და რუსეთ შორის“, - განაცხადა ჰოლ ჰოლმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში პოლიციის ჩხრეკის დროს პიკასოს მოპარული ნახატი აღმოაჩინეს

ანკარამ ნატოს სამიტის გამო საპროტესტო აქციებსა და დრონების ფრენებზე 13-დღიანი აკრძალვა დააწესა

თბილისის მეტროს პირველ ხაზზე მატარებლების მოძრაობა სრულად განახლდა

სააკაშვილი - თემაში ჩვენი არა კეთილისმოსურნეებიც შემოვარდნენ და დაწერეს მიშა და ბიძინა ერთია, რასაც იტყვიან პარტია ემორჩილებაო