დანიაში მსოფლიო ისტორიაში "წამებულების" საპატივცემულოდ გამოფენას გამართავენ, - ამის შესახებ ბრიტანული გამოცემა The Guardian იუწყება.

როგორც მედია საშუალება წერს, წამებულთა რიცხვში, თვითმკვლელი ტერორისტებიც შედიან, მათ შორის პარიზისა და ბრიუსელის ტერაქტის ორგანიზატორები.

მედიის ცნობით, გამოფენაზე ისეთი ტერორისტების ფოტოები და ნივთები იქნება გამოტანილი, როგორებიც ძმები ბაკრაუები არიან, რომლებმაც ბრიუსელში ტერაქტი მოაწყვეს, ასევე მოჰამედ აგადომის ფოტოები, რომელიც პარიზის ტერაქტში მონაწილეობდა.

აღსანიშნავია, რომ გამოფენაზე ისეთი ისტორიული ადამიანებიც იქნებიან მოხსენიებული, როგორიცაა ჟანა დარკი და ბერძენი ფილოსოფოსი სოკრატე.

ცნობისთვის, ეს ადამიანები საკუთარ იდეებს ემსხვერპლნენ. ორგანიზატორების თქმით, გამოფენის არსი სიტყვა "წამებულის" სხვადასხვა კუთხით ახსნაში მდგომარეობს. მათივე თქმით, "ყველა ადამიანი - საკუთარი ისტორიის გმირია".

გამოფენამ საზოგადოების უკმაყოფილება უკვე გამოიწვია. როგორც  The Guardian წერს, ერთ ერთი პოლიტიკური პარტიის წევრმა აღნიშნულ გამოფენასთან დაკავშირებით, სამართალდამცველებს საჩივრით მიმართა.

წინასწარი ინფორმაციით, გამოფენა 26 მაისიდან 10 ივნისამდე კოპენჰაგენის ერთ-ერთ პრესტიჟულ უბანში გაიმართება.

ცნობისთვის, ამავე უბანში რამდენიმე წლის წინ ნორვეგიელი ნაციონალისტის ანდერს ბრეივიკისადმი მიძღვნილი სპეკტკლი დადგეს. აღსანიშნავია, რომ 2011 წელს ბრეივიკმა 77 ადამიანი მოკლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს