დედაქალაქის საკრებულოს ოპოზიციონერ დეპუტატებსა და თბილისის მთავრობის წევრებს შორის სიტყვიერი დაპირისპირება მოხდა, - ამის შესახებ ჟურნალისტებს საკრებულოს წევრმა „ნაციონალური მოძრაობიდან“ ირაკლი ნადირაძემ განუცხადა.

მისი შეფასებით, თბილისის მერიამ სტრატეგიად აგრესია აირჩია, რადგან მათ მოსახლეობისთვის სათქმელი არაფერი არ აქვთ.

„გამომდინარე იქიდან რომ მერიას თბილისელებისთვის სათქმელი არაფერი აქვს მათ სტრტაეგიად აგრესია აირჩიეს. ჩვენს კითხვებზე მათი პასუხი არის აგრესია. იყო სიტყვიერი შეურაცხყოფა, რამაც გამოიწვია დაპირისპირება საკრებულოს დეპუტატებს და თბილისის მთავრობის წევრებს შორის“, - განაცხადა ნადირაძემ.

ამ დროისთვის მერიასთან აქცია მიმდინარეობს. აქციის მონაწილეები ბოტანიკური ბაღის ტერიტორიის გასხვისებას აპროტესტებენ, არსებული ინფორმაციით ეს ტერიტორია ბიძინა ივანიშვილის საკუთრებაში გადავიდა. ამ ეტაპზე აქციაზე მშვიდი ვითარებაა. მობილიზებულია საპატრულო პოლიციის რამდენიმე ეკიპაჟი. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს