კომერციულ ბანკებში განთავსებული დეპოზიტების დაზღვევის კანონპროექტთან დაკავშირებით, საქართველოს პრეზიდენტის ეკონომიკური მრჩეველი მაია მელიქიძე  დღეს არასამთავრობო სექტორის, ფინანსური დარგის აკადემიური წრეების, ფინანსთა და ეკონომიკური განვითარების სამინისტროების წარმომადგენლებს შეხვდა.

შეხვედრაზე  განიხილეს კანონპროექტი, რომელიც დეპოზიტების დაზღვევის სისტემის შემოღებას ითვალისწინებს.

„დეპოზიტების დაზღვევის სისტემა, რომელიც უნდა დაინერგოს, უზრუნველყოფს ფიზიკური პირების მიერ კომერციულ ბანკებში განთავსებული დეპოზიტების დაზღვევას. თუ ბანკს გარკვეული პრობლემები შეექმნება, დეპოზიტარების თანხები უფრო მეტად დაცული იქნება.

ეს ძალიან მნიშვნელოვანი საკითხია, რომელსაც მიესალმება, როგორც კერძო, ასევე საჯარო სექტორი. დღეს საუბარია იმაზე, რა ფორმით შეიძლება საქართველოში დაინერგოს დეპოზიტების დაზღვევის სისტემა. 

ძალიან ცოტაა იმ ქვეყნების რიცხვი, სადაც ეს სისტემა არ არსებობს", - განაცხადა მაია მელიქიძემ შეხვედრის დასრულების შემდეგ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს