აჭარის ავტონომიური რესპუბლიკის მთავრობა სოფელ მახალაკიძეების მოსახლეობას პასუხობს, რომლებმაც დღეს  მთავრობის აპარატის წინ შუახევის ჰესის მშენებლობა გააპროტესტს.

მოსახლეობამ მთავრობის აპარატში სპეციალური განცხადება შეიტანა, რომელშიც მათი მოთხოვნები და ხელმოწერები იყო წარმოდგენილი.

როგორც აჭარის მთავრობის აპარატში აცხადებენ, მთავრობის წარმომადგენელი აქციის მონაწილეთა მოთხოვნებს გაეცნო და მათ საპასუხო წერილიც გადასცა.

„აღსანიშნავია, რომ შუახევიჰესის მშენებლობა უმნიშვნელოვანესი პროექტია როგორც, რეგიონის, ისე ქვეყნის მასშტაბით. ინვესტიციის მოცულობა შეადგენს 416 მილიონ ამერიკულ დოლარს. პროექტის ფარგლებში დასაქმებულია საქართველოს 730 მოქალაქე. შუახევიჰესის პროექტი პირველი ჰიდროენერგეტიკული პროექტია საქართველოში, რომელიც სერთიფიცირებულია გაეროს ჩარჩო კონვენციის კლიმატის ცვლილებების შესახებ ნახშირბადის გამოყოფის შესამცირებლად.

2017 წლის გაზაფხულიდან ჰესი ოპერირებას დაიწყებს და საქართველოს ელექტროსისტემას 187 მეგავატი სუფთა ენერგიის მწარმოებელი სადგური შეემატება. პროექტის განხორციელება ხელს შეუწყობს რეგიონის ეკონომიკურ და სოციალურ განვითარებას“, - ნათქვამია აჭარის მთავრობის აპარატის განცხადებაში.

ამასთან, აჭარის მთავრობაში აცხადებენ, რომ სოფელ მახალაკიძეებში მიმდინარე პროცესები მოსახლეობის მოთხოვნის საფუძველზე დამატებით იქნება შესწავლილი.

„აღნიშნულთან დაკავშირებით შუახევის მუნიციპალიტეტში რამოდენიმე დღეა დაწყებულია კომისიის შექმნის პროცესი, კომისიაში მონაწილეობის მიღების თხოვნით ოფიციალური წერილები უკვე დაეგზავნა სხვადასხვა უწყებას. კომისიის მუშაოებაში ჩაერთვება აჭარის გარემოს დაცვისა და ბუნებრივი რესურსების სამმართველოს და სხვა უწყებების შესაბამისი სპეციალისტები“, - ნათქვამია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან