„საქართველო-რუსეთს შორის პრაგმატული პოლიტიკის განხორციელება ძალიან მნიშვნელოვანია“, - ამის შესახებ საქართველოს პრემიერ-მინისტრმა გიორგი კვირიკაშვილმა ევროპის საბჭოს საპარლამენტო ასამბლეაზე სიტყვით გამოსვლისას განაცხადა.

როგორც პრემიერმა აღნიშნა, რუსეთთან ურთიერთობის დარეგულირებისთვის  მხოლოდ საქართველოს მცდელობა საკმარისი არ არის.

ამასთან, პრემიერის განცხადებით, სამხრეთ ოსეთის დე-ფაქტო ხელისუფლების გეგმა რეფერნდუმის ჩატარებასთან დაკავშირებით, არამხოლოდ საქართველოს სუვერენიტეტს შეუშლის ხელს, არამედ  სამხრეთ კავკასიის რეგიონს  კიდევ უფრო უარყოფით  პირობებს შეუქმნის.

„პრაგმატული პოლიტიკის განხორციელება ძალიან  მნიშვნელოვანია საქართველო-რუსეთ შორის ურთიერთობისათვის. ეს პოლიტიკა  მოიცავს სავაჭრო, სატრანსპორტო , ჰუმანიტარულ  და სხვა სფეროებში  ურთიერთობების აღდგენას.  თუმცა ჩვენი მცდელობა რუსეთთან ურთიერთობების დარეგულირებისთვის და ნორმალიზებისთვის  არ არის საკმარისი, თუ არ მოხდა  ჩვენი დამოუკიდებლობის, სუვერენიტეტის და  ტერიტორიული მთლიანობის დაცვა და  პატივისცემა. ჩვენ ასევე  გვაღელვებს ის ფაქტორი, რომ ცხინვალის, სამხრეთ ოსეთის  დე-ფაქტო ხელისუფლების გეგმა რეფერენდუმის ჩატარებასთან დაკავშირებით, რომელიც ეხება რუსეთის  ფედერაციაში შესვლის საკითხს. ამგვარი უკანონო მოვლენები რასაკვირველია არამხოლოდ საქართველოს სუვერენიტეტს და ტერიტორიულ  მთლიანობას შეუშლის ხელს, არამედ  შეიძლება ისედაც მოწყვლად სამხრეთ კავკასიის რეგიონს კიდევ უფრო  უარყოფითი გამოწვევი შეუქმნას. უსაფრთხოება და გაძლიერება არის პრიორიტეტი“, - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს