საქართველოს პრემიერ-მინისტრი გიორგი კვირიკაშვილი კოალიცია „ქართული ოცნების“ ოფისში საპარლამენტო უმრავლესობის წევრებს შეხვდა.

როგორც შეხვედრის დასრულების შემდეგ „რეპსუბლიკური პარტიის“ ლიდერმა ხათუნა სამნიძემ ჟურნალისტებს განუცხადა, შეხვედრაზე საარჩევნო კოდექსში შესატანი შესაძლო ცვლილებები განიხილეს და საპარლამენტო და არასაპარლამენტო ოპოზიციის მიერ შეთავაზებულ სხვადასხვა წინადადებებზე იმსჯელეს.

საპარალამენტო უმრავლესობის ლიდერის ზვიად კვაჭანტირაძის განცხადებით, შეხვედრაზე შიდა საპარლამენტო განსახილველ საკითხებზე იმსჯელეს.

„განვიხილეთ საარჩევნო კოდექსთან დაკავშირებული საკითხები, ასევე ვიმსჯელეთ არასაპარლამენტო ოპოზიციის შენიშვნებზე საარჩევნო კოდექსთან დაკავშირებით. მომავალი კვირის დასაწყისისთვის, არასაპარლამენტო ოპოზიციასთან ალბათ შედგება კომუნიკაცია. ვფიქრობ, განხილვა პოზიტიური იქნება“, - აღნიშნა კვაჭანტირაძემ.

კითხვაზე, მოხდა თუ არა შეხვედრაზე საარჩევნო სიების განხილვა, კვაჭანტირაძემ აღნიშნა, რომ პოლიტსაბჭოს ფორმატში ამაზე საუბარი ზედმეტია, რადგან გადაწყვეტილება მიღებულია.

„პოლიტსაბჭოს ფორმატში ამაზე საუბარი ზედმეტია. გადაწყვეტილება მიღებულია, კოალიციის ყველა სუბიექტი კენჭს ცალ-ცალკე იყრის“, - აღნიშნა ზვიად კვაჭანტირაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი