თბილისში კორპორაციული სოციალური პასუხისმგებლობის თემაზე საერთაშორისო კონფერენცია გაიმართება, - ამის შესახებ „ექსპრესნიუსს“სამოქალაქო განვითარების სააგენტოს (სიდა) პრესსამსახურიდან აცნობეს.

მათივე ცნობით, კონფერენციაში 100-მდე ქართველი და უცხოელი დელეგატი მიიღებს მონაწილეობას.

„22-23 აპრილს, 09:30 საათზე, სასტუმრო ,,თბილისი მარიოტში“ გაიმართება საერთაშორისო კონფერენცია თემაზე ,,კორპორაციული სოციალური პასუხისმგებლობის განვითარება საქართველოში.“ ორდღიანი კონფერენცია სამოქალაქო განვითარების სააგენტოს (სიდა), გლობალური შეთანხმების საქართველოს ქსელისა და  საქართველოს მთავრობის ადმინისტრაციის ადამიანის უფლებათა დაცვის სამდივნოს ორგანიზებით ტარდება და მასში 100-მდე ქართველი და უცხოელი დელეგატი მიიღებს მონაწილეობას. კონფერენციის ფარგლებში მოწვეულ უცხოელ სტუმრებს შორის არიან: Ericsson-ისა და TeliaSonera-ს კორპორაციული პასუხისმგებლობისა და ბიზნეს ეთიკის ექსპერტები სათაო ოფისიდან, გაეროს გლობალური შეთანხმების ადგილობრივი ქსელების ხელმძღვანელი ნიუ იორკის სათაო ოფისიდან, პოლონეთის გლობალური შეთანხმების ქსელის ხელმძღვანელი და წარმომადგენლები, და ეკონომიკური თანამშრომლობის და განვითარების ორგანიზაციის (OECD) წარმომადგენელი.

 კონფერენციის ფარგლებში მიმოხილული იქნება კორპორაციული პასუხისმგებლობის საერთაშორისო სტადარტები, საერთაშორისო და ქართული პრაქტიკა და საქართველოში აღნიშნული მიმართულების განვითარების პერსპექტივები. კონფერენციის პირველ დღეს ასევე დაფუძნდება გლობალური შეთანხმების ადგილობრივი ქსელი საქართველოში.

კონფერენცია იმართება აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის მხარდაჭერით, აშშ საერთაშორისო განვითრების სააგენტოს (USAID) დაფინანსებით. კონფერენციის პარტნიორები არიან გაერთიანებული ერების გლობალური შეთანხმება და ამერიკის სავაჭრო პალატა საქართველოში“, - ნათქვამია სიდა-ს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია