თბილისში, კაიროს ქუჩაზე, მენაშენეების პროექტის ფარგლებში,  21 დევნილ ოჯახს ბინა გადაეცა.

როგორც „ექსპრესნიუსს“ ლტოლვილთა და განსახლების სამინისტროდან აცნობეს, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი  დევნილ ოჯახებს ესტუმრა და მათი საცხოვრებელ პირობები ადგილზე მოინახულა.

უწყების ინფორმაციით, თბილისში, კაიროს ქუჩა N20-ში,  კერძო მესაკუთრის შენობაში დევნილი ოჯახები წლების განმავლობაში უმძიმეს პირობებში ცხოვრობდნენ.  

სამინისტროსთან მოლაპარაკების შედეგად, შენობის მესაკუთრემ  სს ,,ტრანსმშენმა" ობიექტს სრული რეაბილიტაცია  ჩაუტარა, რის შემდეგაც სამინისტრომ შენობა  შეისყიდა და იქ მცხოვრებ   დევნილ ოჯახებს  გადასცა.

რეაბილიტაციის მიმდინარეობისას კომპანია დევნილებს ქირით უზრუნველყოფდა.

კაიროს ქ. N20-ში არსებული საცხოვრებელი ფართები დევნილ ოჯახს უახლოეს მომავალში დაუკანონდებათ.

დევნილთა და განსახლების სამინისტრომ ქართველი მენაშენეებისაგან  თბილისში სულ 431 ბინა შეისყიდა.  აქედან  231 ბინა დევნილ ოჯახებს უკვე გადაეცათ,  დარჩენილი 200 ბინა კი 2016 წელს განაწილდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია