ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ პარლამენტის ეროვნულ ბიბლიოთეკაში სტუდენტებისა და მოსწავლეებისთვის  საჯარო ლექცია ჩაატარა.

 სახელმწიფო მინისტრმა ნატო-საქართველოს ურთიერთობის დინამიკაზე, ნატო-ს ვარშავის სამიტთან დაკავშირებულ მოლოდინებზე, საქართველოს ნატო-ში გასაწევრიანებლად არსებულ მექანიზმებზე, გაზრდილ ანტიდასავლურ პროპაგანდაზე, გავრცელებულ მითებსა და მონტენეგროს გამოცდილებაზე ისაუბრა.

შეხვედრაზე ხაზი გაესვა საქართველოს ევროატლანტიკური ინტეგრაციის პროცესში საზოგადოების ინფორმირებისა და მხარდაჭერის და ამ პროცესში  ახალგაზრდების ჩართულობის მნიშვნელობას. საჯარო ლექცია აქტიური კითხვა-პასუხის რეჟიმით დასრულდა.

შეხვედრა საქართველოში 4-19 აპრილს მიმდინარე ნატო-ს კვირეულის ფარგლებში გაიმართა. კვირეული 4 აპრილს ნატო-საქართველოს სახალხო დიპლომატიის ფორუმით გაიხსნა.

კვირეულის ფარგლებში დედაქალაქსა და რეგიონებში უკვე გაიმართა სხვადასხვა ტიპის ღონისძიებები, მათ შორის, ორდღიანი სემინარი სამცხე-ჯავახეთის რეგიონის ეთნიკური უმცირესობების წარმომადგენელი პედაგოგებისთვის, საინფორმაციო ცენტრის ახალქალაქის რეგიონული ოფისის გახსნა, სამხრეთ კალიფორნიის უნივერსიტეტის პროფესორის, ჟურნალისტიკის სკოლის ვიცე-დეკანის შეხვედრა ჟურნალისტიკის ფაკულტეტის სტუდენტებთან და სხვა. ასევე, იგეგმება პროექტი „ერთი დღე ჯარში“  მედია საშუალებების წარმომადგენლებისთვის. გამწვანების აქცია გურიაში, სტუდენტების ვიზიტი კიბერუსაფრთოხების ბიუროში, კონკურსები, კონფერენციები, დებატები და სპორტული ღონისძიებები.

ცნობისთვის, ნატო-ს კვირეული საქართველოში წელს მეცხრედ ტარდება. კვირეული სსიპ "ნატოსა და ევროკავშირის შესახებ საინფორმაციო ცენტრის" ორგანიზებითა და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატთან კოორდინაციით, თავდაცვის სამინისტროს, საქართველოში ნატო-ს სამეკავშირეო ოფისისა და რუმინეთის საელჩოს მხარდაჭერით ხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია