მთიან ყარაბაღში ვითარება კვლავ დაძაბულია. მხარეები ერთმანეთს ცეცხლის შეწყვეტის შეთანხმების დარღვევაში ადანაშაულებენ. ყარაბაღის დე-ფაქტო რესპუბლიკის თავდაცვის სამინისტროს განცხადებით, ზავის რეჟიმის ამოქმედების შემდეგ აზერბაიჯანულმა მხარემ ცეცხლი რამდენჯერმე გახსნა, რასაც ერთი სამხედრო მოსამსახურე ემსხვერპლა.

მათივე თქმით, აზერბაიჯანელებმა ე.წ ურთიერთშეხების ხაზთან სასწრაფო დახმარების მანქანაც დაცხრილეს, თუმცა ამ შემთხვევას მსხვერპლი არ მოჰყოლია.

საწინააღმდეგოს ამტკიცებს აზერბაიჯანული მხარე. ოფიციალური ბაქოს განცხადებით, სომხეთის შეიარაღებული ძალები ზავის რეჟიმს სისტემატიურად არღვევენ.

globalpower.org-ის იფორმაციით ბოლო რამდენიმე წლის განმავლობაში, აზერბაიჯანული ჯარი ინტენსიურად გადის მომზადებასა და ეკიპირებას. მათივე ცნობით, თებერვალში რუსეთმა სომხეთს 200 მილიონი დოლარის კრედიტი რუსული სპეცტექნიკის შესაძენად გადაურიცხა.

როგორც globalpower.org იტყობინება, აზერბაიჯანის სამხედროების რაოდენობა 2016 წლის მონაცემებით 66 ათასს შეადგენს, ხოლო სომხეთის არმია 60 ათასს სამხედროს მოიცავს.

წინასწარი ინფორმაციით, ყარაბაღის შეიარაღებული ძალების რიცხვი 20-22 ათას სამხედროს მოიცავს, გარდა ამისა 20-30 ათასი ადამიანი რეზერვშია.

შეგახსენებთ, რომ კონფლიქტი მთიან ყარაბაღში 2 აპრილს დაიწყო. ცეცხლის შეწყვეტის შესახებ შეთანხმება 5 აპრილს 12 საათზე შევიდა ძალაში.

ცნობისთვის, საომარი მოქმედებები ყარაბაღში 1988-დან 1994 წლამდე გრძელდებოდა, შემდეგ კი ზავის რეჟიმი შევიდა ძალაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს