ფაშინიანსა და ზელენსკის შორის სატელეფონო საუბარი გაიმართა

2026-08-12 21:41:52, 849 ნახვა

მსოფლიო

სომხეთის პრემიერმინისტრ ნიკოლ ფაშინიანსა და უკრაინის პრეზიდენტ ვოლოდიმირ ზელენსკის შორის სატელეფონო საუბარი შედგა.

როგორც სომხეთის პრემიერმინისტრის ადმინისტრაციაში განაცხადეს, უკრაინის პრეზიდენტმა ნიკოლ ფაშინიანს სომხეთის რესპუბლიკის პრემიერმინისტრის თანამდებობაზე ხელახლა დანიშვნა მიულოცა.

მხარეებმა სომხეთ-უკრაინის ორმხრივი თანამშრომლობის დღის წესრიგთან დაკავშირებული საკითხები განიხილეს.

ლიდერებმა ასევე მოსაზრებები გაცვალეს რეგიონში და მსოფლიოში მიმდინარე მოვლენებთან დაკავშირებით. ხაზი გაესვა სტაბილური და გრძელვადიანი მშვიდობის ხელშეწყობის მნიშვნელობას.

ვოლოდიმირ ზელენსკიმ სოციალურ ქსელში გავრცელებულ განცხადებაში აღნიშნა, რომ სომხეთ-უკრაინას შორის ურთიერთობები სულ უფრო კონსტრუქციული ხდება.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან