სირიის სასამართლომ ბაშარ ალ-ასადს სიკვდილით დასჯა დაუსწრებლად მიუსაჯა

2026-08-11 14:31:10, 482 ნახვა

მსოფლიო

სირიის სასამართლომ ქვეყნის ყოფილ პრეზიდენტ ბაშარ ალ-ასადსა და მის უმცროს ძმას, მაჰერ ალ-ასადს, კაცობრიობის წინააღმდეგ ჩადენილი და სამხედრო დანაშაულებისთვის განაჩენი დაუსწრებლად გამოუტანა და სიკვდილით დასჯა მიუსაჯა. ინფორმაციას ამის შესახებ ტელეკომპანია CNN-ი ავრცელებს.

სასამართლოს წინაშე პირადად წარსდგა ასადის ბიძაშვილი ატეფ ნაჯიბი, რომელსაც დარაას პროვინციაში ჩადენილი სამხედრო დანაშაულებისთვის ასევე სიკვდილით დასჯა მიესაჯა. ნაჯიბი 2011 წლიდან დარააში პოლიტიკური უსაფრთხოების განყოფილებას ხელმძღვანელობდა.

ბაშარ ალ-ასადის რეჟიმი სირიელმა ამბოხებულებმა, აჰმედ ალ-შარაას მეთაურობით, 2024 წლის დეკემბერში დაამხეს, რის შემდეგაც ყოფილი პრეზიდენტი ძმასთან ერთად რუსეთში გაიქცა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან