თბილისის მერიასა და შავი ზღვის საერთაშორისო უნივერსიტეტს შორის (IBSU) ურთიერთანამშრომლობის მემორანდუმი გაფორმდა.

დოკუმენტს ხელი თბილისის მერმა დავით ნარმანიამ და უნივერსიტეტის რექტორმა  ილიას ჩილოღლუმ მოაწერეს.

ურთიერთანამშრომლობის მიზანია, მერიის მხარდაჭერით, სრულყოფილად და ეფექტურად განხორციელდეს საგანმანათლებლო პროგრამების - საჯარო ადმინისტრირებისა და საერთაშორისო ურთიერთობების საბაკალავრო   პროგრამების პრაქტიკული მოდული.  

ორმხრივი შეთანხმება ითვალისწინებს IBSU-ს სოციალური მიმართულების სტუდენტების პრაქტიკის ხელშეწყობას  მერიის საქალაქო სამსახურებსა და მის მიერ დაფუძნებულ ორგანიზაციებში,  ასევე, რაიონულ გამგეობებში. ერთობლივად დაიგეგმება და განხორციელდება ღონისძიებები სტუდენტების საგანმანათლებლო და პროფესიული განვითარებისათვის. თავის მხრივ, უმაღლესი სასწავლებელი მერიის თანამშრომლებს  თურქული ენის სასერტიფიკატო კურსების გავლას უსასყიდლოდ, სხვა ენების სასერტიფიკატო კურსების გავლას კი შეღავათიანი პირობებით შესთავაზებს. ასევე,  მერიის მასშტაბურ ღონისძიებებს უზრუნველყოფს საკონფერენციო დარბაზითა და სხვა ტექნიკური აღჭურვილობით. 

„მემორანდუმის გაფორმების შემდეგ შავი ზღვის საერთაშორისო უნივერსიტეტის სტუდენტები შეძლებენ ჩაერთონ ჩვენი სტაჟირების პროგრამაში, რომლის პირველი ეტაპიც ახლა დასრულდა და მალე მეორე ეტაპს გამოვაცხადებთ. ისინი შეავსებენ განაცხადს და ჩაერთვებიან ამ პროგრამაში. გარდა ამისა, სტუდენტებისთვის ჩავატარებთ საგანმანათლებლო ლექციებს. მინდა აღვნიშნო, რომ მათთვის საინტერესოა მერიის სისტემა. განსაკუთრებით,  საჯარო ადმინისტრირების პროგრამის სტუდენტებისათვის“,-განაცხადა დავით ნარმანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან