გერმანიის კანცლერმა, ფრიდრიხ მერცმა განაცხადა, რომ აშშ-ის მთავრობა დათანხმდა გერმანიისთვის შორ მანძილზე მოქმედი ფრთოსანი რაკეტების, „ტომაჰავკის“ მიყიდვას. ამის შესახებ გერმანიის მთავრობის მეთაურმა ბუნდესტაგში სიტყვით გამოსვლისას ისაუბრა.

მერცის თქმით, აღნიშნულ რაკეტებს ფედერალური მთავრობა შეიძენს და გერმანიაში განლაგდება. მხარეები ამის თაობაზე თურქეთის დედაქალაქ ანკარაში, ნატო-ს სამიტის ფარგლებში შეთანხმდნენ.

გერმანიის კანცლერის თქმით, ეს აღმოფხვრის თავდაცვაში არსებულ „მნიშვნელოვან სტრატეგიულ ხარვეზს“. მერცი ამბობს, რომ, ამავდროულად, ევროპა აპირებს საკუთარი სისტემების შემუშავებას და განლაგებას.

გერმანიის კანცლერმა ასევე აღნიშნა, რომ ნატო ტრანსატლანტიკურ ალიანსად რჩება, მაგრამ ევროპამ უფრო მეტი პასუხისმგებლობა უნდა აიღოს საკუთარ უსაფრთხოებაზე.

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის