ივანიშვილის დეპუტატები, ლევან მაჭავარიანი და არჩილ გორდულაძე გაერთიანებული სამეფოს მიერ სანქცირებული, სამთავრობო TV იმედის ეთერში ბოდიშს იხდიან 26 ივნისს, პარლამენტში ჩხუბისთვის. 

მათი თქმით, ქართული ოცნების გუნდს "ასეთი ქმედება " არ ახასიათებს, მაგრამ "არის წითელი ზახი", რომლის შემდეგაც "რთულია თვის შეკავება". 

"მინდა საზოგადოებას, რა თქმა უნდა, ბოდიში მოვუხადო, ეს ძალიან უსიამოვნო იყო, თუმცა პოლიტიკური პარტია, როდესაც მოწადინებულია მხოლოდ იმაზე, რომ შინაარსზე არ ილაპარაკოს და პირადი შეურაცხყოფები გაყენოს, ძალიან რთული ამ ყველაფრის მოთმენა, ყველაფერს თავისი საზღვარი აქვს, თუმცა რაც მოხდა, რა თქმა უნდა, უსიამოვნო იყო" - განაცხადა ლევან მაჭავარიანმა.

"მეც დავიწყებ, რა თქმა უნდა, ბოდიშით და ბოდიშს ვუხდი საზოგადოებას, არ არის სწორი ასეთი ქმედების ნახვა, რაც ვნახეთ და ეს არ გვჩვევია ზოგადად, არც მე, ჩვენი გუნდის არცერთ წევრს, ეს არ არის ჩვენთვის დამახასიათებელი და კიდევ ერთხელ ბოდიში ყველასთან აბსოლუტურად.

უბრალოდ, არსებობს რაღაც ზღვარი, სადამდეც შეგიძლია ადამიანმა ითმინო და არის ის წითელი ხაზი, რომლის იქითაც ხანდახან უბრალოდ თავის შეკავება ძალიან რთულია, რაც, რა თქმა უნდა, არ შეიძლება, ყველამ თავი უნდა შეიკავოს, მეც პირველ რიგში, რა თქმა უნდა. მაგრამ ეს მე გუშინ ვერ მოვახერხე და კიდევ ერთხელ ბოდიში ამისთვის" - განაცხადა გორდულაძემ.

ირაკლი კობახიძის წლიური ანაგრიშის წარდგენის დროს გახარია საქართველოსთვის დეპუტატებსა და ქართული ოცნების დეპუტატებს შორის დაპირისპირება მოხდა, გავრცელებული კადრებში ჩანს, როგორ ძალადობენ არჩილ გორდულაძე და ლევან მაჭავარიანი გახარიას დეპუტატ, გიგა ფარულავაზე. 

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის