ე.წ სააფთიაქო ნარკომანიის საქმეზე ჯანდაცვის მინისტრის ყოფილი მოადგილე ირაკლი მხეიძე დააკავეს.

"არ არის ის ეტაპი, ბრალის აღიარებაზე რომ ვისაუბროთ. ჩვენ არ განგვიხილავს ეს საკითხი. 4 საათი გვქონდა საქმის გასაცნობად და მხოლოდ აღკვეთის ღონისძიების საკითხით შემოიფარგლა ჩვენი კომუნიკაცია. 3 წელია გასული იმ ფაქტიდან, რომელზეც ედავებიან", - ამბობს ირაკლი მხეიძის ადვოკატი ვახტანგ კვიჟინაძე ფორმულასთან. 

სასამართლო პროცესი გუშინ გვიან ღამით მიმდინარეობდა და საქმეზე დაკავებულ 16-ვე პირს აღკვეთის ღონისძიების სახით პატიმრობა შეეფარდათ.

გამოძიება ყოფილ მაღალჩინოსანს რეგულირების სააგენტოს ხელმძღვანელობის პერიოდში სამსახურებრივი უფლებამოსილების ბოროტად გამოყენებასა და დანაშაულებრივი ჯგუფის მფარველობაში ედავება.

ფინანსთა სამინისტროს საგამოძიებო სამსახურის ინფორმაციით, 2018-2025 წლებში მოქმედმა მასშტაბურმა სქემამ უკანონოდ 53 მილიონ ლარზე მეტი მიიღო.

საქმეზე ძებნა გამოცხადდა კიდევ სამ პირზე, მათ შორის ყოფილი გენერალური პროკურორის, ოთარ ფარცხალაძის გარემოცვის წევრზე, მიხეილ ჩოხელზე.

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის