აღმოსავლეთ-დასავლეთის მაგისტრალი და საქართველოში არსებული სხვა ცენტრალური მაგისტრალები ფასიან გზებად არ გადაკეთდება. ამის შესახებ საქართველოს ინფრასტრუქტურის სამინისტროს გზების დეპარტამენტმა განაცხადა.

განცხადებაში ხაზგასმულია, რომ საკითხი ამ ეტაპზე არ განიხილება და გადაწყვეტილება მიღებული არ არის. გომი-საჩხერე-ჭიათურა-ზესტაფონის გზის რეაბილიტაციის დაჩქარება მხოლოდ პროექტის დროული და ხარისხიანი დასრულების აუცილებლობას უკავშირდება.

დეპარტამენტმა აღნიშნა, რომ საერთაშორისო პრაქტიკაში გზების დაფინანსებისა და მართვის სხვადასხვა მოდელი არსებობს, თუმცა ეს ყოვლისმომცველ ანალიზს მოითხოვს.

„ამჟამად, საერთაშორისო და შიდა გზებით სარგებლობა საქართველოს მოსახლეობისთვის უფასოა და ამ მხრივ არანაირი ცვლილება არ იგეგმება.

<…> მოვუწოდებთ მედიას, საჯაროდ მნიშვნელოვანი საკითხების გაშუქებისას, გადაამოწმონ შესაბამისი უწყებების ოფიციალური პოზიცია და საზოგადოებას სრული და ობიექტური ინფორმაცია მიაწოდონ“, - მოუწოდა ინფრასტრუქტურის სამინისტრომ.

ავტორი: ექსპრესნიუსი,

სოციალური ქსელები

გზების დეპარტამენტი: საქართველოში ფასიანი გზები არ იქნება

წილოსანი: არავინ დაბულინგდება, რომ ივანიშვილის შექება მოგვერიდოს

აშშ-ში ქართველი მიგრანტი ICE-ის პატიმრობაში გარდაიცვალა

შსს-მ ნარკოდანაშაულის ბრალდებით 119 პირი დააკავა, მათ შორის 49 ნარკორეალიზატორია