2026-05-18 12:39:42, 3151 ნახვა

---

დეკანოიძე - საკვებ პროდუქტებზე ფასები დაავიწყდათ, სამაგიეროდ, მდინარაძის ფუნქციისთვის კიდევ უფრო მეტი ჩვენი ფული დაიხარჯება

"საკვებ პროდუქტებზე ფასები დაავიწყდათ, სამაგიეროდ, მდინარაძის ფუნქციისთვის კიდევ უფრო მეტი ჩვენი ფული დაიხარჯება."  - ასე გამოეხმაურა,   ერთიანი ნაციონალური მოძრაობის წევრი ხატია დეკანოიძე რეჟიმის მიერ მოქალაქეთა მასიური კონტროლის დაანონსებას.

"მდინარაძე სუს-დან გამოუშვეს. ამის შემდეგ, შექმნეს გაუგებარი ბიუროკრატია, დაუნიშნეს მაღალი ხელფასი და ეს ხელფასი ხომ უნდა გაამართლოს?

უსაქმურად ვერ იქნება.

ამიტომ გამოიგონეს მორიგი იდიოტიზმი. ისევ მაღალხელფასიანი მორიგი ბიუროკრატია.

საკვებ პროდუქტებზე ფასები დაავიწყდათ, სამაგიეროდ, მდინარაძის ფუნქციისთვის კიდევ უფრო მეტი ჩვენი ფული დაიხარჯება.

აბსურდულობამდე კომიკური უსაქმურობის პროგნოზირებადობა.." | წერს სოციალურ ქსელში ხატია დეკანოიძე

 დღეს მდინარაძემ ბრიფინგზე თქვა, რომ შსს-ში შეიქმნება სპეციალური სამმართველო, რომლის ძირითადი ფუნქცია საჯარო სივრცეში სიძულვილის ენის, შეურაცხმყოფელი კამპანიებისა და აგრესიული კომუნიკაციის სისტემური მონიტორინგი იქნება. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი