უკრაინა „დრუჟბას“ ნავთობსადენის მეშვეობით ნავთობის მიწოდებას ოთხშაბათს აღადგენს, - ინფორმაციას Reuters-ი წყაროზე დაყრდნობით ავრცელებს. 

გამოცემის ცნობით, ნავთობის მისაღებად პირველი განაცხადი უნგრულმა ნავთობკომპანია MOL-მა უკვე გააკეთა.

„MOL-მა უკვე გააკეთა განაცხადი პირველი ნაკადის მიღების შესახებ, რომელიც უნგრეთსა და სლოვაკეთს შორის თანაბრად განაწილდება“, - განუცხადა გამოცემას წყარომ.

ცნობისთვის, გუშინ უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინამ „დრუჟბას“ ნავთობსადენის სარემონტო სამუშაოები დაასრულა და ნავთობსადენის აღდგენა უკრაინისთვის ევროკავშირის დახმარების პაკეტის განბლოკვასთან დააკავშირა.

ასევე, ევროკავშირის უმაღლესმა წარმომადგენელმა კაია კალასმა გუშინ, საგარეო საქმეთა მინისტრების შეხვედრის დასრულების შემდეგ აღნიშნა, რომ ევროკავშირი უკრაინისთვის 90 მილიარდი ევროს ოდენობის სესხის გამოყოფის შესახებ გადაწყვეტილებას მომდევნო 24 საათის განმავლობაში მიიღებს.

მოსალოდნელია, რომ ევროკავშირის ელჩები უკრაინისთვის სესხის გამოყოფის საკითხს დღეს განიხილავენ.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან