შინაგან საქმეთა სამინისტროს ინფორმაციით, თბილისში, სხვადასხვა მაღაზიათა ქსელიდან თანხის გატაცების ფაქტებზე პოლიციამ 2009 წელს დაბადებული, წარსულში ნასამართლევი ნ.ს. დააკავა.

უწყების ცნობით, გამოძიებით დადგინდა, რომ ბრალდებული თანამზრახველთან ერთად წინასწარი შეთანხმებით შედიოდა მაღაზიებში, საიდანაც ძალის გამოყენებით ჯამში 6 000 ლარამდე თანხა გაიტაცა, რის შემდეგაც შემთხვევის ადგილიდან მიიმალა.

შსს-ს განცხადებით, სამართალდამცველებმა მტკიცებულების სახით ამოიღეს სამეთვალყურეო კამერების ჩანაწერები. პოლიცია ამ დროისთვის აგრძელებს საგამოძიებო მოქმედებებს დანაშაულში მონაწილე სხვა პირების დადგენისა და დაკავების მიზნით.

გამოძიება სისხლის სამართლის კოდექსის 178-ე მუხლით მიმდინარეობს, რაც ძარცვას გულისხმობს. დანაშაული 8 წლამდე ვადით თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის