რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება, - ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.

„რუსეთის წინააღმდეგ სანქციების შერბილების გაგრძელება არ ასახავს ომში ან დიპლომატიაში ნამდვილ ვითარებას და აძლიერებს რუსეთის ლიდერების ილუზიას, რომ შეუძლიათ ომის გაგრძელება. მხოლოდ ამ კვირაში რუსებმა 2 360-ზე მეტი თავდასხმითი დრონი გამოუშვეს, 1 320-ზე მეტი მართვადი საჰაერო ბომბი და დაახლოებით 60 სხვადასხვა ტიპის რაკეტა ჩვენი ქალაქებისა და დასახლებების წინააღმდეგ.

რუსული ნავთობისთვის ყოველი დოლარი ფულია ომისთვის. მოსკოვის „ჩრდილოვანი ფლოტის“ 110-ზე მეტი ტანკერი ახლა ზღვაშია. ბორტზე 12 მილიონ ტონაზე მეტი რუსული ნავთობია, რომელიც სანქციების შერბილების გამო შეიძლება გაიყიდოს შედეგების გარეშე. ეს 10 მილიარდი დოლარია - რესურსი, რომელიც პირდაპირ კონვერტირდება უკრაინის წინააღმდეგ ახალ დარტყმებში.

ამიტომაა მნიშვნელოვანი რუსული ტანკერების გაჩერება, მათთვის პორტებში ნავთობის მიწოდების არდაშვება. აგრესორის ნავთობის ექსპორტი უნდა შეწყდეს“, - წერს ზელენსკი.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან