„ამერიკის შეერთებული შტატებისთვის კრიტიკულად მნიშვნელოვანია, რომ [ანაკლიის პორტი] ღია დარჩეს და პეკინის დომინირების ქვეშ არ მოექცეს“, - განაცხადა აშშ-ის კონგრესმენმა ჯო უილსონმა რადიო თავისუფლებასთან ინტერვიუში.

კითხვაზე, რისკავს თუ არა საქართველო შეერთებული შტატებისთვის სტრატეგიული მნიშვნელობის დაკარგვას სომხეთსა და აზერბაიჯანს შორის ბოლო დროს მიღწეული პროგრესის ფონზე, კონგრესმენმა აღნიშნა, რომ საქართველო რეგიონში მნიშვნელოვან ქვეყნად რჩება. თუმცა, მან შეშფოთების ერთ-ერთ მთავარ მიზეზად რუსეთთან და ჩინეთის კომუნისტურ პარტიასთან მზარდი თანამშრომლობა დაასახელა, განსაკუთრებით შავი ზღვის ანაკლიის პორტის კონტექსტში.

„ჩინეთის ინტერესი ანაკლიის მიმართ დაკავშირებულია ცენტრალური აზიიდან იშვიათი მიწების რესურსების ტრანსპორტირების კონტროლთან. ეს რესურსები უნდა გაიაროს საქართველოზე, რაც პორტს სტრატეგიულად მნიშვნელოვანს ხდის. შეერთებული შტატებისთვის კრიტიკულად მნიშვნელოვანია, რომ ეს ინფრასტრუქტურა ღია დარჩეს და პეკინის დომინირების ქვეშ არ მოექცეს“.

ასევე არსებობს შეშფოთება საქართველოს მთავრობის გარკვეულ ელემენტებსა და ირანს შორის დაახლოების შესახებ. სხვადასხვა ცნობები შესაძლო თანამშრომლობაზე მიუთითებს, მათ შორის სადაზვერვო ინფორმაციის გაზიარებაზე. ეს განსაკუთრებით საგანგაშოა ირანის ხელისუფლების მიერ განსხვავებული აზრის მკაცრი ჩახშობისა და ფართოდ გავრცელებული რეპრესიების გათვალისწინებით.

„ჩემი აზრით, ასეთი ქმედებები და კავშირები არ ასახავს ქართველი ხალხის ნებასა და მისწრაფებებს, რომლებმაც მუდმივად გამოხატეს ერთგულება თავისუფლებისა და დამოუკიდებლობის მიმართ“, - განაცხადა უილსონმა.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან