მოსკოვის ორბიტაზე შექმნილ "დამოუკიდებელ სახელმწიფოთა თანამეგობრობიდან" (დსთდან) ქვეყნის გამოყვანის ინიციატივას საბოლოო მოსმენით მხარი 60-მა დეპუტატმა დაუჭირა, ხოლო 27-მა ხმა მის წინააღმდეგ მისცა.

„აღნიშნული შეთანხმებების დენონსაციის ინიციატორი საგარეო საქმეთა სამინისტრო იყო, რომელიც ამტკიცებს, რომ დსთ-ს ფუნდამენტური ღირებულებები და პრინციპები არ არის დაცული. კერძოდ, დებულება, რომლის მიხედვითაც წევრი ქვეყნები აღიარებენ და პატივს სცემენ ერთმანეთის ტერიტორიულ მთლიანობასა და არსებული საზღვრების ხელშეუხებლობის პრინციპს. ეს პრინციპი, რომელიც საფუძვლად დაედო დსთ-ს შექმნას, ირღვევა რუსეთის ფედერაციის მიერ, რომელიც აწარმოებს ომს უკრაინის წინააღმდეგ, განახორციელა აგრესიული აქტები საქართველოს წინააღმდეგ და მოლდოვის რესპუბლიკის ტერიტორიაზე სამხედრო ძალები უკანონოდ ჰყავს განლაგებული“, - ვკითხულობთ მოლდოვის პარლამენტის განცხადებაში, რომელსაც ადგილობრივი მედია ავრცელებს.

მოლდოვამ დსთ-დან გამოსვლის პროცესი 2022 წელს, უკრაინაში რუსეთის სრულმასშტაბიანი შეჭრის შემდეგ, დააჩქარა, რაც ქვეყნის საგარეო კურსის მკვეთრ ცვლილებასა და ევროკავშირში გაწევრიანების განაცხადს უკავშირდებოდა. 2023 წლიდან ქვეყანამ დაიწყო თანამეგობრობის ფარგლებში გაფორმებული ათობით შეთანხმების ეტაპობრივი დენონსირება და გაიწვია თავისი წარმომადგენლები ორგანიზაციის სტრუქტურებიდან. საბოლოოდ, მოლდოვის პარლამენტმა მხარი დაუჭირა 1994 წლიდან დაწყებული წევრობის შეწყვეტას, რითაც წერტილი დაუსვა რუსეთის გავლენის ქვეშ მყოფ გაერთიანებასთან 30-წლიან პოლიტიკურ კავშირს.

ავტორი: ექსპრესნიუსი,

სოციალური ქსელები

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა

მაუწყებლებს, რომლებსაც საინფორმაციო გამოშვება არ აქვთ, უცხოური დაფინანსების მიღება აღარ აეკრძალებათ