BMG-ის ინფორმაციით, საქართველოს ეროვნული ბანკის მიერ გამოცხადებულ ტენდერში გამარჯვებული ტელეკომპანია "იმედის" ერთ-ერთი მფლობელის, ილია მიქელაიშვილის კომპანია გახდა.

კერძოდ, ეროვნულმა ბანკმა ახალი ამბების მომსახურებაზე 100 ათას ლარიანი ტენდერი 19 თებერვალს გამოაცხადა, რომელშიც მონაწილეობა მხოლოდ ერთმა კომპანიამ შ.პ.ს "პირველმა" მიიღო. აღნიშნულმა კომპანიამ ახალი ამბების მომსახურებაში ქვეყნის ცენტრალურ ბანკს 99 ათასი ლარი შესთავაზა.

შესყიდვების სააგენტოს ვებგვერდზე გამოქვეყნებული დოკუმენტების მიხედვით, გამარჯვებულ კომპანიას ეროვნული ბანკისთვის საინფორმაციო მომსახურების გაწევა 6 სხვადასხვა საინფორმაციო სააგენტოს მეშვეობითაც მოუწევს. აღნიშნული მომსახურების ფარგლებში, სებ-ს ერთი წლის განმავლობაში თვეში 8250 ლარის გადახდა მოუწევს.

შპს "პირველი" ვალდებულია უზრუნველყოს ეროვნული ბანკის საქმიანობასთან დაკავშირებული ანონსებისა და სხვადასხვა სახის ინფორმაციის მომზადება. ეს მოიცავს მონეტარული პოლიტიკის კომიტეტისა და ფინანსური სტაბილურობის კომიტეტის სხდომებს, პრესკონფერენციებს, ბრიფინგებს, პრეზენტაციებს, ასევე ეროვნული ბანკის მიერ ორგანიზებულ საერთაშორისო და ადგილობრივ ღონისძიებებს. მომზადებული მასალები სხვა საინფორმაციო სააგენტოებშიც უნდა გავრცელდეს.

სამეწარმეო რეესტრის მიხედვით, შპს "პირველის" ერთადერთი მესაკუთრე ილია მიქელაიშვილია, რომელიც ამავე დროს კომპანიის დირექტორიც არის. მიქელაიშვილის საკუთრებაშია ასევე შპს "პრაიმ მედია გლობალი", რომელიც ტელეიმედის 50%-იან წილს ფლობს.

BMG-იმ გაავრცელა სებ-ის პოზიცია, "ტენდერში გაიმარჯვა შპს "პირველმა", რომელთანაც გაფორმდა შესაბამისი სახელმწიფო შესყიდვის ხელშეკრულება. რაც შეეხება სანქცირებას, ტენდერში გამარჯვებული კომპანია არ წარმოადგენს სანქცირებულ სუბიექტს, ასევე, არც მისი მფლობელია სანქცირებული პირი. შესაბამისად, სანქციათა რეჟიმების წესის თანახმად, ამ თუ იმ კომპანიის სანქცირება არ ითვალისწინებს კომპანიის დამფუძნებელსა თუ დამფუძნებელთან დაკავშირებულ სხვა იურიდიულ პირზე სანქციის ავტომატურ გავრცელებას", - განაცხადეს ეროვნულ ბანკში.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან