აშშ-ის ფინანსთა მინისტრის სკოტ ბესენტის ინფორმაციით, აშშ-მა ირანული ნავთობის ნაწილზე სანქციები მოხსნა. ამის შესახებ სკოტ ბესენტმა პლატფორმა X-ზე დაწერა, მისი განცხადებით აშშ-ის ხაზინის დეპარტამენტმა ლიცენზია გამოსცა, რომელიც ზღვებში მყოფ ტანკერებზე დატვირთული 140 მილიონი ბარელი ირანული ნავთობის გაყიდვის უფლებას იძლევა.

სკოტ ბესენტი აღნიშნავს, რომ ლიცენზია მხოლოდ ზღვებში ჩარჩენილ ტანკერებზე დატვირთულ ნავთობს შეეხება და ახალი შესყიდვების ან წარმოების უფლებას არ იძლევა.

"ირანი გლობალური ტერორიზმის გველის თავია და პრეზიდენტ ტრამპის მეშვეობით, ჩვენ ამ კრიტიკულ ბრძოლას მოსალოდნელზე კიდევ უფრო სწრაფი ტემპით ვიგებთ. 

ხაზინის დეპარტამენტი მოკლევადიან ნებართვას გასცემს, რომელიც ამჟამად ზღვებში ჩარჩენილი ირანული ნავთობის გაყიდვის საშუალებას იძლევა. ჩვენ ირანულ ნავთობს თეირანის წინააღმდეგ გამოვიყენებთ, რათა ნავთობზე დაბალი ფასები შევინარჩუნოთ. 

შეერთებული შტატები გააგრძელებს მაქსიმალურ ზეწოლას ირანზე და მის შესაძლებლობაზე, წვდომა ჰქონდეს საერთაშორისო ფინანსურ სისტემაზე. ამ დროისთვის ტრამპის ადმინისტრაცია მუშაობს გლობალურ ბაზარზე დამატებით დაახლოებით 440 მილიონი ბარელი ნავთობის შემოტანაზე, რაც ასუსტებს ირანის შესაძლებლობას, გამოიყენოს ჰორმუზის სრუტეში შეფერხებები ბერკეტად", - დაწერა აშშ-ის ფინანსთა მინისტრმა.

ავტორი: ექსპრესნიუსი,

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს