ამერიკელების აბსოლუტური უმრავლესობა თვლის, რომ აშშ-ის პრეზიდენტი დონალდ ტრამპი ირანში სახმელეთო სამხედრო ოპერაციის დაწყების ბრძანებას გასცემს, თუმცა ცოტა თუ უჭერს მხარს ამას.

ეს Reuters/Ipsos-ის მიერ ხუთშაბათს დასრულებული გამოკითხვის შედეგია.

ამერიკელების დაახლოებით 65% თვლის, რომ აშშ-ის პრეზიდენტი დონალდ ტრამპი ირანში სახმელეთო სამხედრო ოპერაციის დაწყების ბრძანებას გასცემს, თუმცა ამ იდეას მხოლოდ 7% უჭერს მხარს.

სამდღიანმა გამოკითხვამ აჩვენა, რომ საზოგადოებაში ტრამპის საერთო მოწონების რეიტინგი პრაქტიკულად უცვლელი დარჩა და 40% შეადგენს. ეს 1 პროცენტული პუნქტით მეტია, ვიდრე Reuters/Ipsos-ის გამოკითხვა, რომელიც ირანის წინააღმდეგ აშშ-სა და ისრაელის ოპერაციის დაწყებისთანავე, 28 თებერვალს ჩატარდა.

გამოკითხვას, რომელშიც მთელი ქვეყნის მასშტაბით 1545 ზრდასრული ამერიკელი მონაწილეობდა, ცდომილების ზღვარი დაახლოებით 3 პროცენტული პუნქტია.

მას შემდეგ, რაც აშშ-მ და ისრაელმა ირანს თითქმის სამი კვირის წინ შეუტიეს და ირანმა დარტყმებით უპასუხა, ახლო აღმოსავლეთში 2000-ზე მეტი ადამიანი დაიღუპა. დაღუპულთა შორის 13 ამერიკელი სამხედრო მოსამსახურეა.

ხუთშაბათს, რეპორტიორის გეგმებთან დაკავშირებით დასმულ კითხვაზე პასუხის გაცემისას, ტრამპმა განაცხადა, რომ „არსად არ აგზავნის ჯარებს“ და დასძინა: „რომ ვყოფილიყავი, ნამდვილად არ გეტყოდით“.

მედიის ცნობით, პენტაგონი ახლო აღმოსავლეთში კიდევ რამდენიმე ათასი ჯარისკაცის განლაგებას აჩქარებს.

მედია ასევე იუწყება, რომ ტრამპის ადმინისტრაცია ირანში სახმელეთო ჯარების გაგზავნის ვარიანტებს განიხილავს.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან