სამართლიანმა მშვიდობამ უკრაინის ტერიტორიული მთლიანობა უნდა უზრუნველყოს, - ამის შესახებ გაერო-ს გენერალურმა მდივანმა, ანტონიო გუტერეშმა განაცხადა. 

„უკრაინაში სამართლიანმა მშვიდობამ სრულად უნდა უზრუნველყოს ქვეყნის სუვერენიტეტი, დამოუკიდებლობა და ტერიტორიული მთლიანობა საერთაშორისოდ აღიარებულ საზღვრებში, გაერო-ს ქარტიისა და საერთაშორისო სამართლის შესაბამისად“, - განაცხადა გუტერეშმა.

მისი თქმით, უკრაინაში ვიზიტების დროს რუსეთის სრულმასშტაბიანი ომით გამოწვეული ნგრევის შედეგები საკუთარი თვალით ნახა.

„რუსეთის ფედერაციის მიერ სრულმასშტაბიანი შეჭრიდან ოთხი წლის განმავლობაში, რაც საერთაშორისო სამართლის, კერძოდ, გაერო-ს ქარტიის დარღვევას წარმოადგენს, უკრაინამ დამანგრეველი დანაკარგები განიცადა. ამიტომ, ყველა ძალისხმევას მივესალმები, რომელიც სამართლიანი მშვიდობის მიღწევას ისახავს მიზნად“, - აღნიშნა გაერო-ს გენერალურმა მდივანმა.

ავტორი: ექსპრესნიუსი,

სოციალური ქსელები

ხარკოვის ოლქში რუსეთის სარაკეტო დარტყმას 10 ადამიანი ემსხვერპლა 17 კი დაშავდა

ჩხუბი ბათუმის ბულვარში - დაჭრილია 2 ადამიანი

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას

კობახიძის ინფორმაციით, გუშინდელი მდგომარეობით, აფხაზეთში დაახლოებით 680 ტონა საწვავი იყო შეტანილი